Gecko King

Pa-cute moment, captured by Mamagirl.

Ang (Future) Rockstar saNg rXS

Gin-baklan ako ni Mamabear sang red nga guitar. My first musical instrument, ang little red guitar. May ara man ako sang drums, pareho sang gina-play ni Tito Big sang member pa sa sang drum and bugle corps diri. Amo ini ang akon mga favorite musical instruments. Si Papabear ko guitarist man. Ti, ako man gusto ko man. Gani, subong pa lang ga-practice na ko para kung akaton ko ni Papabear mag-jamming kami, ti, kabalo na ko dayon! Siguro ako lang sa amon pamilya ang musically-inclined. Wala labot ang ga-unga sa karaoke (haha si Mamabear gid!).



Tito Big, ayos man akon porma?
NinongR, how do you like my red guitar?

Ako, sang nagligad kag sa subong

Me, then and now.

Isa ka tuig kag beinte dias na ang nagligad sang ako natawo. Nalipay ang tanan sa akon pag-abot sa tunga sang sari-sari na nabatyagan day Grandma kag Grandpa, Tito Big kag Tito Jeckel kag ni PapaGordon kay sang dira nga naghinay ang pitik sang akon tagipusuon samtang nga naga-labor si Mamagirl. Tungod sa akon kahulagan sa sulod sang tiyan ni Mamagirl, nagbalimbod ang akon pusod sa akon liog nga amo ang hinungdan sini. Gani, ang doktor sa St. Anthony Hospital nagdesidir na ako magabutwa sa kalibutan pinaagi sa Caesarian section.

Yari ang akon itsura sang ako duha pa lang ka semana (two-weeks old).

"Raise the roof... alien!".

"Kadugay sa akon milk haw!

Kag amo na ko sini subong. Ang mga picture sang nagligad na selebrasyon sang akon nga first birthday:

"Tito Jeckel, indi danay ko pagkodaki kay wala pa ko kapang-zipper!"

"Baw a, si Mamagirl ya nag-blow sa akon birthday candles!"

"Diri na lang ko mapahimuyong sa akon tsanggi (convenience store) a."

Ang Nahauna nga Pulong

Maayong adlaw sa inyo nga tanan.
Ako gali si Joshua, tawga lang ninyo ako nga Joeboy.
Isa na ko ka tuig sang Oktubre a-siete.

Matingala kamo kung paano maka-sulat sa blog ang isa-ka-tuig nga bata?
Well, well, well... ang akon Tita ang nagpasimuno sini. Busy abi ang akon MamaGirl kag PapaGordon. Si Grandma kag si Grandpa amo man. Pati akon mga Tito. Gani, bisan malayo akon Tita, iya ako ginhimuan sang blog para ma-document kuno ang akon nga development, bisan gani sa pictures lang.

Akon man gali tamyawon akon Maninoy-Tito Jess, na ara na sa Chicago, Illinois. Kumusta na ikaw dira? Hulat-hulat ka lang kuno kay pagahimuan man ikaw ni Tita sang blog. Mayad no? Para makahibalo man kami sang imo mga adbentyurs dira sa US of A. Halong lang man sila sa imo ha?